Vizioni im për “Fondacionet Ivanaj” në New York dhe Tiranë.

//Vizioni im për “Fondacionet Ivanaj” në New York dhe Tiranë.
Vizioni im për “Fondacionet Ivanaj” në New York dhe Tiranë. 2018-06-14T17:49:12+01:00

U deshën më shumë se njëzet vjet që një nga ëndrrat e mia më të mëdha, të fillonte të merrte jetë e të shfaqej në horizontin tim. Ndërkohë që Shqipëria, vendlindja ime, po përjetonte çerek shekulli izolimi nen diktaturën komuniste, revolucioni i rinisë shqiptare filloi të bënte hapat e para, me qëllim hapjen e dyerve të demokracisë dhe fillimin e një jete të re, ashtu si gjithë pjesa tjetër e botes.

Ky ishte gjithashtu momenti i duhur, që unë të realizoja ëndrrën time dhe të hidhja një hap të madh përpara. Pavarësisht se kisha pak kohë që kisha dalë në pension, isha e vetëdijshme, që kishte ardhur koha që të jepja kontributin tim në zhvillimin e Shqipërisë, të cilën kurrë nuk do të ma kishte marrë mendja se do ta shikoja përsëri. Mbas dy profesionesh dhe 40 vjet eksperience pune në fushën e administrimit të biznesit dhe teknologjisë kompjuterike, kishte ardhur koha ti përkushtohesha më shumë ëndrrave të mia. Kështu që u ktheva përsëri në Shqipëri nga Shtetet e Bashkuara, aty ku kisha emigruar që në vitin 1952 dhe vizitova vendlindjen time, të cilën isha e detyruar ta braktisja  që në moshë të mitur, së bashku me familjen time në vitin 1939.

Gjatë kësaj faze të tretë të jetës time, mu desh të kaloja çdo lloj pengese për të rifituar pronat e familjes time, të cilat ishin konfiskuar, përdorur dhe abuzuar, nga qeveritë e ndryshme që nga Lufta e II-të Botërore e deri në vitet e fundit. Ndërkohë që planifikoja të ardhmen nga mesi i vitit 1990, themelova një fondacion publik në New York, të pasuar nga krijimi i një organizate simotër në Tiranë. Të dyja janë shoqata ligjore, jo-qeveritare dhe jo-fetare, të cilat kanë të njëjtin qëllim për të ndihmuar shoqërinë shqiptare në fushën e kulturës dhe të arsimit, duke i dhënë vlera të reja Shqipërisë jo vetëm brenda për brenda, por edhe nëpër botë. Pavarësisht se Shqipëria është një shtet relativisht i ri dhe i pavarur prej 103 vitesh që kur shpalli pavarësinë nga Perandoria Osmane, historia e saj është e lashtë e mijëra vjeçare. Aktualisht Shqipëria ka popullsinë më të re në botë, e cila është e etur për të përparuar në fushën e arsimit, si dhe për të luajtur një rol të rëndësishëm në të ardhmen e këtij vendi. Janë pikërisht këto,  sfidat që meritojnë ndihmën tonë!

Fondacioni “Martin dhe Mirash Ivanaj” në New York (njëlloj si fondacioni “M.& M. Ivanaj” në Tiranë), është një organizatë publike, bamirësie dhe jo-fitimprurëse. Të dyja këto fondacione, megjithëse me buxhete të vogla, operojnë me një staf vullnetarësh që kanë arritur të realizojnë me sukses projekte të ndryshme, kryesisht në Shqipëri. Këto janë të dokumentuara në faqen tonë (http://www.ivanaj-foundations.org. )

Me gjithë arritjet e deritanishme, mbështetja dhe pjesëmarrja në fondacion,  janë vazhdimisht të nevojshme për të zhvilluar programet e shumta që janë planifikuar, si dhe për të zgjeruar veprimtarinë dhe vlerën e këtyre institucioneve. Kjo, është edhe arsyeja pse lindi frymëzimi për të krijuar një bazë të përshtatshme për të dyja organizatat, i cili u bë edhe objektivi im kryesor mbas daljes në pension. Ky objektiv u kthye në një detyre komplekse, afatgjatë, si dhe një investim financiar i vazhdueshëm. Përballja me një sërë procedurash e vështirësish, u bë e nevojshme, për të arritur qëllimin e vënies së pronave të mia në Shqipëri në dispozicion të të dy fondacioneve, dhe pavarësisht nga pengesat e shumta, më në fund e fitova betejën time.

Veprimtaria e fondacionit Ivanaj, do të lehtësohet akoma më shumë, duke pasur rezidencën në zemrën e Tiranës. Aty do të krijohen shumë mundësi punësimi, si dhe do të ofrohen programe dhe projekte, të cilat, e dimë që pëlqehen nga rinia shqiptare.

Gjate udhëtimeve të shumta në Shqipëri që nga viti 1993, kam patur kënaqësinë dhe fatin të njihesha me kategori të ndryshme njerëzish, të të gjitha moshave dhe me prejardhje të ndryshme, madje edhe të vihesha në kontakt me disa nga miqtë e vjetër të familjes time. Në këto takime, ajo çfarë më befasoi më shumë,  ishte fakti  që, veprimtaria e babait tim Martin dhe xhaxhait  tim Mirash për vendin tone, jo vetëm që nuk ishte harruar, por, madje ishte përcjellë në histori verbalisht për më shumë se tre breza! Kjo bëri që t’ia vlenin të gjitha ato mundime, përpjekje, sfida e vështirësi, duke e kthyer  ëndrrën e jetës sime akoma më kuptimplote.

Ajo çfarë mësova gjate kësaj eksperience dhe nëpërmjet takimeve me njerëz të ndryshëm, ka qene e paçmueshme,  më ka dhënë force për të përballuar rolin tim të ri, megjithatë, tani kam nevoje edhe për ndihmën e të tjerëve, që kane dëshirë të ndihmojnë në këtë mision timin. Njohja me vitet e errëta të jetës së njerëzve, gjate më shumë se gjysëm shekulli  diktature dhe izolim, dëshira e tyre për më shumë njohuri, shpresa e tyre për një të ardhme më kuptimplotë, veçanërisht për fëmijët dhe dëshira e tyre për të kontribuar në ndërtimin e kësaj të ardhmeje, ishte një shpërblim e frymëzim për mua. Kjo nxjerr në pah faktin, që në të gjithë kemi çfarë të ofrojmë nga jeta dhe eksperienca jone, për të bere të mundur një ndryshim në jetën e gjithsecilit. Në fund të fundit unë e di , që më shumë inpute të vlefshme  mund të përfitohen duke zgjeruar  bordet drejtuese të fondacioneve Ivanaj, të cilët kane  nevoje për më shumë ekspertize dhe aftësi organizuese, për të mbështetur iniciativat dhe programet e ndërmarra nga Fondacioni.

Ambientet e Fondacionit në qendrën e Tiranës janë akoma në ndërtim dhe parashikohet të përfundojnë nga mesi i vitit 2016. I gjithë kati i parë i ndërtesës së re moderne, do të shërbejë për zyra, ku do të punoje personeli i Fondacionit, me një librari të pasur, me dhoma trajnimi, teknologji të përparuar, si dhe një hapësirë të veçantë për evente publike. Kjo ndërtesë do të jete një qendër dinamike arsimimi, që do të ofroje programe kulturore dhe edukative për banoret e Tiranës  dhe  vizitoret.

Vizioni im për atë c’ka do të jete Qendra Kulturore Ivanaj, janë një kompleksitet aktivitetesh, që do t’ju  ofrojnë  shërbime dhe programe të rëndësishme  grupeve të ndryshme të  njerëzve, si  në  sektorin  publik dhe atë privat, institucioneve arsimore, shoqatave jo fitimprurëse, të rinjve, të moshuarve, hulumtuesve, shkencëtarëve, artisteve etj. Ndërkohë që disa nga këto aktivitete do të lançohen fillimisht nga Fondacioni Ivanaj, unë shpresoj, që në saje të mundësive të veçanta dhe të aseteve moderne teknologjike,  qendra do të munde të tërheqë personalitete serioze, që vullnetarisht mund të dedikojnë pak nga koha dhe eksperienca e tyre, për të mbështetur dhe fuqizuar klimën arsimore dhe kulturore të vendit, nëpërmjet programeve dhe aktiviteteve në të mire të bashkëqytetarëve të tyre. Me një kontribut të kësaj natyre, qendra mund të jete e para në llojin e vet, autonome nga të gjitha pikëpamjet. Duke shërbyer si një vend takimi për shkëmbime edukimi artistik, kultural dhe intelektual, qendra mund të shndërrohet në inkubator për biznese të reja, pike referimi që do të shërbejë edhe për evente sociale, civile dhe biznesi.

Shqipëria ka plot individë dhe organizata që mund të bëjnë ndryshimin në komunitetin e tyre. Shpesh këto njerëz të motivuar, me iniciativë dhe ide të vlefshme, nuk kane mbështetjen e duhur dhe mjetet e nevojshme për të realizuar qëllimet e tyre, të cilat mund t’jua ofroje Qendra kulturore, duke krijuar  një ambient më miqësor, të hapur dhe edukues. Qendra mund të ofroje një numër të zgjeruar shërbimesh, që diku tjetër nuk ofrohen të gjitha së bashku, si  hapësira për aktivitete, një librari të pasur dhe një qendër rrjetesh sociale, sponsor për të publikuar projekte, për të ruajtur kulturën dhe historinë shqiptare, madje dhe një program vullnetar nacional, që mund të veje në dispozicion eksperiencën shumë vjeçare për trajnimin e të rinjve.

Qendra Kulturore Ivanaj,  ka për qëllim të shndërrohet në qendrën e parë Kulturore Shqiptare. Ky qëllim bazohet tek besimi ,që një shoqëri të lulëzojë, duhet që anëtarët  e saj të kenë një ambient të lire dhe të sigurte, ku mund të gjejnë mbështetje dhe alternativa, ku mund të lidhen me njeri-tjetrin, të mësojnë të  krijojnë dhe të shkëmbejnë përvoja me komunitetin e tyre. Në saje të këtij  besimi,  unë shpresoj të lidhem me këdo që dëshiron të ndaje me mua këtë ëndërr  dhe të punojmë për  një realitet që mund të këtë një efekt të madh për  të ardhmen e Shqipërisë dhe që mund t’i  tejkaloje  vizionet tona aktuale. Le ta bëjmë atë një objektiv të përbashkët për bamirësit  dhe  vullnetaret, në të dy brigjet e Atlantikut dhe do të ishte kënaqësia ime që t’ju mirëprisja ju në urën që lidh këto dy organizata.

 

New York, Korrik 2015

DRITA IVANAJ

X